Kez egindako erretratua-Bill S. Ballinger

Sinopsia

Krassy 27 urteko emakume gazte bat da. Dirua behar du, eta hau lortzeko bide bakarra bere edertasuna erabiliz bere inguruko gizonei xantaia egitea da. Izan ere, nabarmena da bera inguratzen duten gizon guztiek emakume gazte eta ederrekin harremanak izatean besterik ez dutela pentsatzen. Baina hau zen Krassyren estrategia: gizonak maiteminarazi, ahalik eta diru gehien lortzea, eta gero kea bezala desagertzea. 

Iritzi kritikoa

“Kez egindako erretratua” nahiko liburu irakurtzerraza eta berezia da. Pertsonalki asko gustatu zait; Bill S. Ballinger ezohiko suspentseaz, ironiaz eta amaiera ekaiztsu batez baliatzen delako irakurlearengan jakinmina eta nolabaiteko erakarpena eragiteko. 

Egilea
Leire Araneta

Amaren eskuak-Karmele Jaio

Sinopsia

Nerea erredakzio batean lan egiten duen emakume gazte bat da, eta bere ama ospitaleratu egiten dute memoria galtzen duelako. Ama ospitalean dagoen bitartean Doloresi deitzen dio, amaren ahizpari, eta honek iraganeko istorio eta sekretuak kontatzen dizkio.

Iritzi kritikoa

Liburu interesgarria eta hunkigarria iruditzen zait, bertan kontatzen den istorioak engantxatu egiten duelako, eta guztiz gomendagarria iruditzen zait.

Egilea
Garazi Zubillaga

Kutsidazu bidea, Ixabel-Joxean Sagastizabal

Sinopsia

Juan Martin euskara ikasle donostiarra da, Tolosaldeako Aranguren baserrira etorri dena udara igarotzera, euskara ikasteko asmoz. Bertan, baserritar familia batekin bizi beharko du, haien hizkerara ohituz eta egunerokoen ekintzen parte izaten.

Iritzi kritikoa

Liburu honetan komedia da nagusi. Guztiz gomendagarria, oso erraz irakurtzen da eta istorioak ez zaitu batere aspertzen, zerbait gertatzen da beti.

Egilea
Nerea Santos

33 ezkil-Miren Gorrotxategi

 

Sinopsia

Garizmendi baserrian bizi dira Karmen eta Fermin, baserriko bikote zaharkituaren estereotipoa betetzen dutenak, egunerokotasun lasai eta errutinarioa eramaten dute. Garezur baten aurkikuntzak bizimodua aldatuko die, bizitza batekin amaitzera ailegatuz.

Iritzi kritikoa

Trama erraza eramaten du liburuak. Misteriozkoa izateaz gain, ez du istorio nagusi bat soilik garatzen, eta horrek irakurtzeko erraza bilakatzen du.

Egilea
Nerea Santos

Gerra Txikia-Lander Garro

 

Sinopsia

Errefuxiatua da Xabi Ugarteren aita. Amak hiru seme-alabak trenean sartu eta muga igaroz Hendaiara joan dira, aitarengana. Gerra giroa heltzear dago eta laster gertatuko dira atentatuak, hilketak, atxiloketak...

Iritzi kritikoa

Euskal errefuxiatuen gaia modu egokian planteatzen du. Liburu oso aproposa dela iruditzen zait, kulturalki Euskal Herriko bilakaera politikoa hobeto ezagutzeko. Gainera, umearen inozentziaz baliatzen da istorioa kontatzeko eta, ondorioz, irakurlea da hausnarketak egin behar dituena.

Egilea
Maren Fernandez